• अर्धा पाव भेंडी,
• २ मध्यम आकाराचे बटाटे,
• १ टीस्पून तिखट,
• २ चमचे तेल,
• १ टीस्पून चाट मसाला,
• ४-५ लसणाच्या पाकळ्या,
• चवीनुसार मीठ,
• फोडणीसाठी मोहरी, जिरे, हिंग, हळद

• भेंडी स्वच्छ धुवून व कोरडी पुसून, उभे पातळ काप करून घ्यावेत.
• बटाट्याचे सुद्धा उभे पातळ काप करून घ्यावेत.
• एका पसरट कढईमध्ये तेल टाकून फोडणी करून घ्यावी.
• मग त्यात लसणाचे तुकडे टाकून किंचित तळून घ्यावेत.
• मग चिरलेला बटाटा टाकून ५-७ मिनिटे छान फ्राय करून घ्यावा.
• झाकण ठेवू नये.
• नंतर त्यामध्ये तिखट, मीठ, चाट मसाला टाकून छान हलवून घ्यावे.
• नंतर चिरलेली भेंडी टाकून भाजी मस्त कुरकुरीत होईपर्यंत झाकण न ठेवता परतावी.

टीप: भाजी जास्त सारखी सारखी हलवू नये. व भाजी हलवल्यानंतर नीट पसरून ठेवावी, म्हणजे छान कुरकुरीत होते.
तसेच भाजी मंद आचेवर करावी म्हणजे अधिक चविष्ट लागते.