Corn Spinach Paneer Roll - कॉर्न पालक पनीर रोल

Publish Date: 2020-05-30 By: Priyanka

prep time 30 mins

cook time 30 mins

total servings 4 people

Corn Spinach Paneer Roll - कॉर्न पालक पनीर रोल

साहित्य

१ वाटी मऊ शिजवलेले स्वीटकॉर्नचे दाणे
१ वाटी बारीक चिरलेला पालक
२ मोठे उकडलेले बटाटे
अर्धी वाटी कुस्करलेले पनीर
१ गाजर उभे पातळ चिरून
२ मध्यम कांदे उभे पातळ चिरून
१ टीस्पून तिखट
२ टीस्पून मीठ
पाव टीस्पून मिरपूड
पाव टीस्पून चाट मसाला
२ वाट्या कणिक
मेयोनिज
२ चमचे तेल

कृती

कणिक घेऊन त्यामध्ये मीठ व अर्धा चमचा तेल टाकून, पोळीसाठी मळतो त्याप्रमाणे कणिक मळून भिजण्यासाठी झाकून ठेवावी.
बटाटे व स्वीटकॉर्न कूकरला लावून मऊ उकडून घ्यावेत.
एका कढईमध्ये अर्धा चमचा तेल टाकून त्यात कांदा व गाजर टाकून ३-४ मिनिटे हाय फ्लेम वर परतून घ्यावे व एका ताटलीमध्ये काढून ठेवावे.
मग त्याच कढईमधे एक चमचा तेल टाकून, त्यामध्ये पालक २-३ मिनिटे परतून घ्यावा.
मग त्यामध्ये पनीर व स्वीटकॉर्न चे दाणे टाकून ४-५ मिनिटे छान परतून घ्यावे.
नंतर त्यामध्ये मीठ, तिखट, चाट मसाला व मिरपूड टाकून नीट हलवून घ्यावे.
मग बटाटे कुस्करून टाकावेत. आणि हे मिश्रण छान घट्ट होईपर्यंत ७-८ मिनिटे परतावे. झाकण ठेवू नये. हे रोल मध्ये भारण्यासाठीचे सारण तयार झाले.
ह्यानंतर घडी न घालता पोळ्या करून घ्याव्या.
मग एकेक पोळी घेऊन त्यावर, कांदा, गाजर टाकावे. मग रोल साठी बनवलेले सारण टाकून त्यावर मेयॉनीज टाकून घट्ट रोल करावा.
रोल चिकटवण्यासाठी सुद्धा आपण मेयॉनीज वापरू शकतो.

साहित्य

कृती

Comments on this Page

Please share your comment on the post