• कॉलीफ्लॉवरचे तुरे - १ वाटी
• कांद्याचे चौकोनी मोठे तुकडे - १ वाटी
• गाजराचे चौकोनी तुकडे - १ वाटी
• सिमला मिरचीचे चौकोनी मोठे तुकडे - १/४ वाटी
• मटारचे दाणे - १/२ वाटी
• पनीर - १०० ग्रॅम
• तेल - १ १/२ चमचा
• हळद - १/४ टीस्पून
• तमालपत्र - २
• कसूरी मेथी - २ टीस्पून
• कोथिंबीर - सजावटीसाठी

मसाला :

• जिरे - १ टीस्पून
• दालचिनीचा २ इंचाचा तुकडा
• चक्रीफूल - १
• वेलदोडे - २
• लवंगा - ४

ग्रेव्ही :

• मध्यम आकाराचे टोमॅटो - ४
• मध्यम आकाराचे कांदे - ३
• लसूणपाकळ्या - ५-६
• काजू - ८-१०
• आले - १ इंचाचा तुकडा
• तिखट - १/२ टीस्पून
• साखर - २ टीस्पून (चवीनुसार कमी किंवा जास्त करू शकता)
• मीठ - १ १/२ टीस्पून (चवीप्रमाणे कमी किंवा जास्त करू शकता)
• तेल - १ १/२ चमचा

मसाला:

• जिरे, दालचिनी, वेलदोड्याचे दाणे, लवंगा आणि चक्रीफूल एकत्र एका कढईमध्ये घेऊन, २-३ मिनिटे छान भाजून घ्यावे.
• मग मिक्सरमधून ह्याची बारीक पूड करून घ्यावी.
• हा आपल्या भाजीचा मसाला एका ताटलीमध्ये काढून घेऊन बाजूला ठेवावा.

ग्रेव्ही:

• कढईमध्ये दीड चमचा तेल घेऊन ते तापले कि त्यामध्ये उभा चिरलेला कांदा, लसणाचे व आल्याचे तुकडे घालावेत.
• कांदा थोडा गुलाबी झाला कि त्यामध्ये उभे चिरलेले टोमॅटो टाकून, झाकण ठेवून ५ मिनिटे शिजवावे.
• टोमॅटो थोडे मऊ झाले कि त्यामध्ये काजू, तिखट, मीठ व साखर घालावे.
• पुन्हा झाकण ठेवून १० मिनिटे शिजवावे. मधून मधून झाकण उघडून हलवत राहावे.
• टोमॅटो नीट मऊ झाले व त्याची साले नीट सुटली कि गॅस बंद करावा.
• हे थंड झाले कि मिक्सरमधून बारीक पेस्ट करून घ्यावी. पेस्ट करताना पाणी टाकू नये.
• हि आपल्या भाजीची ग्रेव्ही आहे.

भाजी :

• कढईमध्ये दीड चमचा तेल घेऊन, ते तापल्यावर त्यामध्ये तमालपत्र टाकावे.
• मग त्यामध्ये चौकोनी चिरलेला कांदा टाकावा आणि २-३ मिनिटे परतावे.
• नंतर सिमला मिरची, गाजर, कॉलीफ्लॉवरचे तुकडे टाकून २-३ मिनिटे परतावे.
• मग फ्रोझन मटार, पनीरचे तुकडे टाकावेत.
• वरून ग्रेव्ही टाकून, व्यवस्थित हलवून, त्यामध्ये साधारणपणे १ ग्लास पाणी घालावे. व झाकण ठेवून ५ मिनिटे शिजवावे.
• मग त्यामध्ये आपण तयार केलेला भाजीचा मसाला, हळद टाकून नीट ढवळून घ्यावे. आणि झाकण ठेवून साधारणपणे १५-२० मिनिटे शिजवावे.
• भाजी शिजवताना मधून मधून हलवत राहावे.
• भाजी शिजली कि गॅस बंद करून, कसूरी मेथी चुरून टाकावी.
• वरून कोथिंबिरीने सजवून भाजी सर्व्ह करावी.