Paneer Do Pyaza - पनीर दो प्याजा

Publish Date: 2021-04-01 By: Priyanka

prep time 20 mins

cook time 40 mins

total servings 4 people

साहित्य

४ मध्यम आकाराचे कांदे, २ मोठे कांदे
३ मध्यम आकाराचे टोमॅटो
१ मोठी सिमला मिरची
२०० ग्रॅम पनीर
१/२ टीस्पून जिरे
१/२ टीस्पून मिरपूड
२-३ वेलदोडे
१/२ टीस्पून जिरेपूड
२ टीस्पून धणेपूड
१/४ टीस्पून हळद
१ टीस्पून काश्मिरी तिखट
४ चमचे तेल
१ तमालपत्र
१ चक्रीफूल
१ टीस्पून आले-लसूण पेस्ट
कोथिंबीर (सजावटीसाठी)

कृती

कढईमध्ये दोन चमचे तेल टाकावे.
तेल गरम झाले कि त्यामध्ये जिरे, मिरपूड आणि वेलदोडे टाकून १०-२० सेकंद परतून घ्यावे.
मग त्यामध्ये एकदम बारीक चिरलेले ४ मध्यम कांदे घालावेत आणि गुलाबीसर परतून घ्यावे.
मग त्यामध्ये तिखट, हळद, धणेपूड, जिरेपूड घालून ५ मिनिटे परतावे.
नंतर त्यामध्ये उभी पातळ चिरलेली सिमला मिरची घालून ५ मिनिटे परतावे.
मग त्यामध्ये बारीक चिरलेले टोमॅटो, अर्धी वाटी पाणी आणि चवीनुसार मीठ घालून झाकण ठेवून साधारणपणे १० मिनिटे शिजवावे.
हे मिश्रण थंड झाले कि मिक्सरमधून बारीक फिरवून घ्यावे. हि भाजीची ग्रेव्ही आहे.
नंतर एका कढईमध्ये दोन चमचे तेल घेऊन ते तापले कि त्यामध्ये तमालपत्र व चक्रीफूल घालावे.
मग त्यामध्ये २ कांदे, मोठे चौकोनी तुकडे करून घालावेत आणि परतत राहावे.
२ मिनिटांनी आले-लसूण पेस्ट घालावी.
कांदा किंचित गुलाबीसर झाला कि मग त्यामध्ये पनीरचे चौकोनी तुकडे घालावेत.
मग हे सर्व ५ मिनिटे परतून त्यामध्ये आपण आधी तयार केलेली ग्रेव्ही घालावी.
मीठ कमी असल्यास थोडे मीठ टाकावे. आणि पाव वाटी पाणी घालून झाकण ठेवून हि भाजी १० मिनिटे शिजवावी.
भाजी शिजवताना मधून मधून ढवळावी.
भाजी झाल्यावर गॅस बंद करून वरून बारीक चिरलेली कोथिंबीर घालून, खायला घ्यावी.

साहित्य

कृती

Comments on this Page

Please share your comment on the post